سندھو نے سوپر سیریز پریمیئر خطاب 'چائنا اوپن' جیت لیا
اولمپک سلور میڈلسٹ ہندوستان کی پی وی سندھو نے 700000 ڈالر انعامی چین اوپن بیڈمنٹن ٹورنامنٹ کے فائنل میں چین کی سُن یو کو شکست دے کر اپنا پہلا سوپر سیریز پریمیئر خطاب جیت لیا ہے۔
اگست میں ریو اولمپکس میں چاندی کا تمغہ جیتنے والی پہلی حیدرآباد کی خاتون کھلاڑی سندھو نے اپنی شاندار کارکردگی جاری رکھتے ہوئے سُن یو کو ایک گھنٹے اور نو منٹ میں 21-11 17-21 21-11 سے شکست دے کر چائنا اوپن کا خطاب اپنے نام کر لیا ہے۔ دنيا کی 11 ویں نمبر کی کھلاڑی پی وی سندھو کی سُن یو کے خلاف چھ میچوں میں یہ تیسری فتح ہے۔ سائنا نہوال نے 2014 میں چین اوپن کا خطاب جیتا تھا جبکہ گزشتہ سال وہ ذیلی فاتح رہی تھیں۔
سندھو نے مقابلے کا شاندار آغاز کرتے ہوئے پہلے گیم میں 11-5 کی برتری بنائی۔ ہندوستانی کھلاڑی نے اپنی تیزی کی بدولت اس برتری کو 20-8 تک پہنچا کر 12 گیم پوائنٹ حاصل کئے۔ سن یو نے تین گیم پوائنٹ بچائے لیکن سندھو کو پہلا گیم جیتنے سے نہیں روک سكی دوسرے گیم میں بھی سندھو نے 6-3 کی برتری بنائی جسے انہوں نے 11-7 اور پھر 14-10 تک پہنچایا۔ سن یو نے حالانکہ اس کے بعد زوردار واپسی کی اور کچھ بااثر سمیاش کی کی بدولت 14-14 سے اسکور برابر کر دیا۔ چین کی کھلاڑی نے تیزی سمیاش کی اور پھر شاندار رٹن کی بدولت 18-16 کی برتری بنائی۔ سندھو نے اس کے بعد ویڈیو ریفرل گنوایا جس کی وجہ سے سن یو 19-16 سے آگے ہو گئی۔ سن نے 20-16 کے اسکور پر نیٹ پر شاٹ کھیلا لیکن سندھو کے نیٹ پر شاٹ مارنے پر دوسرا کھیل جیت کر اسکور 1-1 کر دیا۔
تیسرے اور فیصلہ کن گیم میں شروع شروع میں سخت مقابلہ دیکھنے کو ملا۔ سندھو اور سن یو 6-6 کے اسکور پر برابری پر تھی۔ سندھو نے اس کے بعد کچھ بااثر واپسی کی بدولت 10-6 کی برتری بنائی۔ سن یو نے سندھو کی غلطیوں کا فائدہ اٹھا کر اسکور 8-10 کیا لیکن وقفے کے وقت ہندوستانی کھلاڑی 11-8 سے آگے تھی۔ سن یو نے کچھ غلطیاں کی جس کا فائدہ اٹھا کر سندھو نے اسکور 19-11 کر دیا۔ سندھو نے اس وقت میچ پوائنٹ حاصل کیا جب سن یو نے واپسی کو لمبا سمجھ کر چھوڑ دیا لیکن یہ بیک لائن کوچھو گیا۔ سندھو نے اس کے بعد اگلا پوائنٹس جیت کر گیمز، میچ اور خطاب اپنے نام کیا۔ سائنا نہوال نے 2014 میں چین اوپن کا خطاب جیتا تھا جبکہ گزشتہ سال ذیلی فاتح رہی تھی۔ سندھو گزشتہ سال ڈنمارک اوپن میں پہلی بار سوپر سیریز ٹورنامنٹ کے فائنل میں پہنچی تھی لیکن وہاں انہیں چین کی لی شیروی کے خلاف شکست کا سامنا کرنا پڑا تھا۔
وزیر اعظم نریندر مودی نے بیڈمنٹن کھلاڑی پی وی سندھو کو پہلا چائنا اوپن سوپر سریز کا خطاب جیتنے پر مبارک باد دی۔
مودی نے کہا، پی وی سندھو کو پہلا سوپر سریز کا خطا ب جیتنے پر مبارک ہو۔ چائنا اوپن میں آپ نے اچھی کارکردگی کی۔ 'ٹاپ شیٹلر پی وی سندھو کو چائنا اوپن میں پہلا سوپر سیریز خطاب جیتنے کےلئے 47 ویں ہندوستانی بین الاقوامی فلم فیسٹیول (آئی ایف ایف آئی) کے افتتاح کی تقریب کے دوران سبھی نے کھڑے ہوکر خوشی کا اظہار کیا۔ مرکزی اطلاعات و نشریات کے وزیر وینکیا نائیڈو ڈاکٹر شیاما پرساد مکھرجی اسٹیڈیم میں آئی ایف ایف آئی کے افتتاح کے لئے منعقد ثقافتی پروگرام کے افتتاح کے لئے اسٹیج پر آئے۔ انہوں نے کہا، 'ہمارے پاس ایک اچھی خبر ہے. پی وی سندھو نے پہلا چائنا کپ سوپر سیریز خطاب جیت لیا۔ ہمیں اس اعزاز کے لیے ان کا کھڑے ہو کر سلام کرنا چاہئے جس سے ملک کو فخرحاصل ہوا۔''
پہلا سوپر سریز پریمیئر خطاب جیت کر حوصلہ افزائی اولمپک سلور میڈلسٹ پی وی سندھو نے کہا کہ طویل وقت سے ان کا خواب آخر کار سچ ہو گیا اور اتنا کہنے کے بعد وہ اتنی جذباتی ہو گئیں کہ کچھ بول ہی نہیں سکی۔
سندھو نے کہا، 'سوپر سریز کی جیت میرا بہت پرانا خواب تھا۔ اولمپکس کے بعد تمام مجھ سے پوچھ رہے تھے کہ اب کیا. میرے لئے سوپر سریز کاخطاب جیتنا اہم ہے۔ اولمپکس کے بعد زندگی بہت بدل گئی ہے۔ لوگوں کو لگا کہ مجھے واپسی میں بہت وقت لگے گا لیکن میں نے کافی محنت کی تھی۔ یہ میرا پہلا سوپر سیریز کا خطاب ہے اور میں بہت خوش ہوں۔ میرے پاس اظہار کرنے کے لیے الفاظ نہیں ہے۔ آخری بار میں نے ڈنمارک فائنل کھیلا تھا۔'
ٹورنامنٹ اور فائنل کے بارے میں سندھو نے کہا، 'میں نے اچھا کھیلا۔ میرے لئے یہ بہت اچھا دن تھا۔ مجھے لگا کہ میں اپنی بہترین صلاحیت کا استعمال کر سکتی ہوں کیونکہ میں نے بہت مشق کی تھی۔ اعتماد کی کمی نہیں تھی۔ پہلا میچ آسان تھا۔ میں ڈیڑھ سال بعد اس کے خلاف کھیل رہی تھی۔ وہ بھی میری طرح طویل اور جارحانہ ہے۔ میں دوسرا کھیل ہار گئی لیکن تیسری میں اچھی شروعات کرکے برتری بنائے رکھی۔ '
