شمسی توانائی کے منصوبوں کے لئے 5050 کروڑ روپے منظور

0

حکومت نے جواہر لال نہرو قومی شمسی مشن کے تحت5000 میگاواٹ کے گرڈ سے منسلک شمسی بجلی منصوبوں کے قیام کی حکمت عملی بنانے کے لئے مالی مدد کے طور پر 5050 کروڑ روپے کی رقم منظور کی ہے۔

ایک سرکاری بیان کے مطابق کابینہ کی اقتصادی امور کی کمیٹی نے 5000 میگاواٹ کے گرڈ سے منسلک شمسی پی وی برقی منصوبوں کو منظوری دے دی ہے۔ ان منصوبوں پر بی اوٹی کی بنیاد پر عمل کیا جائےگا۔

برقی معملوں کے وزیر پیوش گوئل نے کہا کہ شمسی توانائی کے پروگرام کو آگے بڑھانے کے لئے5000 میگاواٹ صلاحیت کے قیام کے لئے 5050 کروڑ روپے کی مدد فراہم کرنے کے منصوبہ کی منظوری دی گئی ہے۔

انہوں نے مزید بتایا کہ یہ مالی امداد کے منصوبوں کو الٹی نیلامی کے ذریعے پیش کیا جائے گا۔ جو بھی اس طرح کی سب سے کم فنانسنگ کی بولی لگائے گا وہی اس کو حاصل کرے گا۔ اس فنڈ کا ایک حصہ گھریلو موڈيولس کے لئے ہوگا۔ ان کمپنیوں کو فی میگاواٹ1.25 کروڑ روپے دیے جائیں گے۔ وہیں بین الاقوامی مسابقتی بولی کے ذریعے آنے والوں کو ایک کروڑ روپے فی میگاواٹ حاصل ہوں گے۔

گوئل نے امید ظاہر کی کہ مالی امداد کی الٹی بولی نیلامی سے مستقبل میں بجلی کی شرح میں کمی لانے میں مدد ملے گی۔ بیان کے مطابق اسے سولر پاور ڈیولپرس کی طرف سے 'وايبلٹی گیپ فنڈنگ- وی جی ایف' کے ساتھ جےاین این ایس ایم کے دوسرے مرحلے کے چوتھے بیاچ کے تحت عمل کیا جائے گا۔ اس منصوبہ کے تحت کل سرمایہ کاری 30,000 کروڑ روپے رہنے کی توقع ہے۔