ہندوستانی فلم انڈسٹری 'میک ان انڈیا' کی بہتریں مثال : شاہ رخ خان

0

فلم اداکار شاہ رخ خان نے کہا ہے کہ ہندوستانی فلم انڈسٹری 'میک ان انڈیا' کی ایک رنگین مثال ہے کیونکہ اس نے سرحدوں کو پار کر دنیا کے ہر کونے میں اپنی ثقافت کو پھیلانے کا کام کیا ہے۔

ایسوچیم کی کافی میز بُک لانچ کے موقع پر 'ڈجٹازیشن اینڈ موبلٹی آف میڈیا اینڈ انٹرٹینمنٹ ' کے موضوع پر پر اظہارخیال کے دوران شاہ رخ خان نے کہا، '' جب ہم 'میک ان انڈیا' کی بات کرتے ہیں تو ہم ہر اس چیز کے بارے میں بات کرتے ہیں جو ہم ملک میں تیار کرتے ہیں۔ کہیں نہ کہیں شاید خود غرضی سے ۔۔۔ مجھے لگتا ہے کہ ہندوستانی فلم دنیا خاص طور پربہت خوبصورتی سے 'میک ان انڈیا' کے لئے کھڑی ہے۔ ''

شاہ رخ کے مطابق فلمی دنیا ہماری ثقافت کو اپنے جنون اور رنگین طور طریقوں سے آگے بڑھا رہی ہے۔ انہوں نے کہا '' یہ ہمیں سرحدوں کے آگے لے جاتی ہے، لوگوں کو ہماری ثقافت کے بارے میں بتاتی ہے، ہماری موسیقی کے بارے میں بات کرتی ہے اور کسی نہ کسی طرح ان باتوں کو پھیلانے کرتی ہے جن کے لئے ہندوستان جانا جاتا ہے۔ '' انہوں نے کہا کہ ہماری ہندی، پنجابی، بنگلہ فلموں اور دیگر فلموں کے ذریعے ہمیں امید ہے کہ ایک دن ہم بین الاقوامی ناظرین کے تصورکو بدل دیں گے۔